ផ្នែក ប្រធានក្រុមចុងភៅ (Sous Chef)

*ទំនួលខុសត្រូវ៖ - ត្រូវត្រួតពិនិត្យក្រុមចុងភៅឲ្យពាក់ឯកសណ្ឋាន ពាក់កាតសម្គាល់ខ្លួន និងពាក់ស្លាកឈ្មោះគ្រប់ពេលវេលាក្នុងម៉ោងបំពេញការងារ ហើយធានាឲ្យបានថាក្រុមចុងភៅតែងតែគោរពទៅតាមគោលការណ៍បញ្ចេកទេសស្តង់ដាអនាម័យ និងស្តង់ដាសុវត្តិភាពការងារដូចដែលក្រុមហ៊ុនបានកំណត់។ - ត្រូវត្រួតពិនិត្យលទ្ធផលការងារប្រចាំថ្ងៃរបស់ក្រុមចុងភៅ ហើយធានាឲ្យបានថាពួកគេបានបំពេញតួនាទីទៅតាមតារាងទំនួលខុសត្រូវប្រចាំវេនដូចដែលក្រុមហ៊ុនបានកំណត់។ - ត្រូវត្រួតពិនិត្យរាល់មុខម្ហូបដែលបានចំអិនដោយក្រុមចុងភៅ ហើយធានាឲ្យបានថាម្ហូបទាំងអស់ត្រូវបានចំអិនស្របទៅតាមបទដ្ឋានកំណត់របស់ក្រុមហ៊ុនដូចជាបរិមាណ រសជាតិ ការប្រើប្រាស់ចាន ការរចនារូបរាងម្ហូប ការប្រើប្រាស់គ្រឿងផ្សំ និងទឹកជ្រលក់ និងរយៈនៃការចំអិនជាដើម -ល- ។ - ត្រូវធ្វើការយ៉ាងជិតស្និទ្ធជាមួយផ្នែកផ្តល់សេវាកម្មភេសជ្ជៈជួរមុខ ដើម្បីប្រមូលពត៌មានពីអតិថិជនដូចជារសជាតិនៃអាហារ ការរចនារូបរាងម្ហូប គ្រឿងផ្សំ ទឹកជ្រលក់ រយៈពេលនៃការរង់ចាំអាហារ ឬពត៌មានផ្សេងៗទៀត ហើយត្រូវទាញយកមតិទាំងអស់នោះដើម្បីពិភាក្សាជាមួយផ្នែកដែលពាក់ព័ន្ធក្នុងគោលបំណងដើម្បីស្ថាបនា និងកែលំអ។ - ត្រូវធានាថាក្នុងបរិវេណផ្ទះបាយតែងតែមានអនាម័យខ្ពស់ មានផាសុខភាពល្អ មានសុខសុវត្ថិភាព និងមានសណ្តាប់ធ្នាប់ការងារជាប់ជានិច្ច។ - ត្រូវធ្វើការយ៉ាងជិតស្និទ្ធជាមួយផ្នែកសម្អាតដើម្បីសម្អាតទ្រង់ទ្រាយធំ និងដើម្បីបាញ់ថ្នាំសម្លាប់សត្វល្អិតជារៀងរាល់ត្រីមាសក្នុងគោលបំណងថែរក្សាអនាម័យ ផាសុខភាព និងដើម្បីធានាថាផ្ទះបាយគ្មានសត្វល្អិតរំខាន។ - ត្រូវធានាថារាល់សម្ភារៈបរិក្ខាប្រើប្រាស់ក្នុងផ្ទះបាយគឺតែងតែមានសភាពស្អាត មានអនាម័យ និងបានរក្សាទុក ដាក់ត្រឹមត្រូវ មានសណ្តាប់ធ្នាប់ល្អ និងមានសុខសុវត្ថិភាពជានិច្ច។ - ត្រូវកត់ត្រាប្រចាំថ្ងៃ និងត្រូវរៀបចំរបាយការណ៍ប្រចាំខែអំពីការប្រើប្រាស់សារពើភ័ណ្ឌក្នុងផ្ទះបាយ ឬគ្រឿង ទេសផ្សេងៗ រួចផ្ញើជូនថ្នាក់លើ និងនាយកដ្ឋានហិរញ្ញវត្ថុដើម្បីត្រួតពិនិត្យ។ - ត្រូវធ្វើរបាយការណ៍ប្រចាំសប្តាហ៍អំពីសារពើភ័ណ្ឌខូចខាតក្នុងផ្ទះបាយ ឬគ្រឿងទេសផ្សេងៗដែលផុតសុពលភាពប្រើប្រាស់ ដូចជាប្រភេទសាច់ដែលខូច ប្រភេទបន្លែដែលខូច ឬប្រភេទគ្រឿងផ្សំខូច រួចផ្ញើជូនថ្នាក់លើ និងនាយកដ្ឋានហិរញ្ញវត្ថុដើម្បីត្រួតពិនិត្យ។ - ត្រូវពិភាក្សាជាមួយថ្នាក់លើ ឬផ្នែកដែលពាក់ព័ន្ធជានិច្ចអំពីសារពើភ័ណ្ឌដែលជិតផុតសុពលភាពប្រើប្រាស់ ដូចជាប្រភេទសាច់ ឬបន្លែ ក្នុងគោលបំណងធ្វើប្រូម៉ូសិន ឬធ្វើការបញ្ចុះតម្លៃ ឬចំអិនជូនបុគ្គលិកឲ្យបានទទួលទាន។ - ត្រួវធានាថារាល់សារពើភ័ណ្ឌ គ្រឿងទេស គ្រឿងផ្សំ ឬបរិក្ខាប្រើប្រាស់ផ្សេងៗទៀតក្នុងផ្ទះបាយ គឺតែងតែមានប្រើប្រាស់គ្រប់គ្រាន់ជានិច្ចដោយមិនមានភាពខ្វះខាត ឬបែជាមានបរិមាណច្រើនលើសពីតម្រូវការជាក់ស្តែង។ - ត្រួវធានាថារាល់សារពើភ័ណ្ឌក្នុងផ្ទះបាយ គ្រឿងទេស ឬគ្រឿងផ្សំផ្សេងៗទៀតត្រូវបានកត់ត្រាកាលបរិច្ឆេទច្បាស់លាស់ និងត្រូវបានរក្សាទុកទៅតាមទីតាំងត្រឹមត្រូវស្របទៅតាមបទដ្ឋានកំណត់របស់ក្រុមហ៊ុន។
*ផ្សេងៗ៖ - ការសិក្សារ និងការអប់រំ៖ បានបញ្ចប់វិទ្យាស្ថានម្ហូបអាហារ ឬបរិញ្ញាបត្រគ្រប់គ្រងទេសចរណ៍ និងបដិសណ្ឋារកិច្ច ឬមធ្យមសិក្សារទុតិយភូមិ សញ្ញាបត្របញ្ចេកទេស ឬជំនាញដែលប្រហាក់ប្រហែល។ - បទពិសោធន៏៖ ត្រូវមានបទពិសោធន៏យ៉ាងតិច០៥ឆ្នាំ។ - កុំព្យូទ័រ និងភាសាបរទេស៖ អាចប្រើប្រាស់កុំព្យូទ័រ អ៊ីមែល និងភាសាអង់គ្លេសបាន និងអាចប្រើប្រាស់ប្រពន្ធ័បណ្តាញសង្គមក្នុងការទំនាក់ទំនង បើមានចំណះដឹងជាមួយភាសាបរទេសផ្សេងៗទៀតកាន់តែប្រសើរ។ - សូមដាក់ពាក្យតាមរយៈ Email: [email protected]Click To Sent Email ឬប្រព័ន្ធតេឡេក្រាម 081​ 990 959 / 0762222xxxClick To Call។

Contact Info: Please don't forget to mention that you found this ad on khmer24.com.

081990xxx Click To Call