ផ្នែកអ្នកបើកម៉ូតូកង់បី

វិទ្យាស្ថានប៉ាស្ទ័រកម្ពុជា (IPC) គឺជាវិទ្យាស្ថានស្រាវជ្រាវមិនស្វែងរកប្រាក់ចំណូលនៅកម្ពុជា ដែលត្រូវបានបង្កើតឡើងក្នុងឆ្នាំ១៩៥៣។ IPC សព្វថ្ងៃជាគ្រឹះស្ថានស្រាវជ្រាវវិទ្យាសាស្ត្រដែលបង្កើតឡើងដើម្បីបម្រើដល់សេវាសាធារណៈ ដោយមានការគាំទ្រខ្ពស់ពីក្រសួងសុខាភិបាលនៃព្រះរាជាណាចក្រកម្ពុជា និងស្ថិតក្រោមទំនួលខុសត្រូវរបស់វិទ្យាស្ថានប៉ាស្ទ័រ (ក្រុងប៉ារីស) ទៅលើផ្នែកវិទ្យាសាស្ត្រ និងបច្ចេកទេស។ IPC គឺជាសមាជិករបស់បណ្តាញវិទ្យាស្ថានប៉ាស្ទ័រអន្តរជាតិ ដែលមានវិទ្យាស្ថានជាសមាជិកសរុបចំនួន ៣៣ នឹងមានវត្តមាននៅលើទ្វីបចំនួនប្រាំ។ នេះជាការបង្ហាញអោយឃើញពីគុណតម្លៃ ក្រមសីលធម៌ និងភាពលូតលាស់ឥតឈប់ឈរ របស់វិទ្យាស្ថាន។ IPC មានបុគ្គលិកដែលកំពុងបម្រើការងារសរុបក្នុងអង្គភាពច្រើនជាង ២៨០នាក់ ក្នុងនោះរួមមានជនជាតិបរទេសដែលមាន ២២ សញ្ជាតិផេ្សងគ្នា ចំនួន ៣0 នាក់ រូមទាំងបុគ្គលិកដែលកំពុងបំរើការក្នុងផ្នែកស្រាវជ្រាវទាំង៥ផ្នែកផងដែរ។ IPC បាននឹងកំពុងអនុវត្តសកម្មភាពស្រាវជ្រាវលើ ផ្នែកជីវវិទ្យាសុខភាព សុខភាព សាធារណៈ ផ្តល់សេវាកម្ម(មន្ទីរពិសោធន៍ជីវៈវេជ្ជសាស្ត្រ ការចាក់វ៉ាក់សាំង ការវិភាគទឹក និងអាហារ) និងចូលរួមសកម្មភាពបណ្តុះបណ្តាលផ្សេងៗ។ វិទ្យាស្ថានប៉ាស្ទ័រកម្ពុជាកំពុងត្រូវការជ្រើសរើសបុគ្គលិកបំពេញការងារពេញម៉ោង ១ រូប ដែលមានតួនាទីជា អ្នកបើកបរម៉ូតូកង់បី សម្រាប់កិច្ចសន្យាការងាររយៈពេលមួយឆ្នាំ(អាចបន្តបាន)។
Position Overview: ការទទួលខុសត្រូវជាចម្បងរបស់អ្នកបើកបរ គឺការប្រមូលសំណាកនៅទូទាំងរាជធានីភ្នំពេញសំរាប់វិទ្យាស្ថានប៉ាស្ទ័រកម្ពុជា។
Recruitment conditions:  មុខដំណែងពេញម៉ោង  កិច្ចសន្យា : កិច្ចសន្យាដំបូងផ្តល់ជូនរយៈពេល 1 ឆ្នាំ (អាចបន្តបាន)  អាចចូលធ្វើការបាននៅថ្ងៃទី ០១ មេសា ឆ្នាំ ២០២៥  អត្ថប្រយោជន៍ : Benefits • ធានារ៉ាប់រងសុខភាព(រួមទាំងសមាជិកគ្រួសា) និងធានារ៉ាប់រងអាយុជិវិត • បសស (សុខភាព, ហានិភ័យការងារ, ចូលនិវត្តន៍) • ប្រាក់លើកទឹកចិត្ត សម្រាប់បុណ្យចូលឆ្នាំ និងបុណ្យភ្ជុំបិណ្ឌ • ការឈប់សម្រាកប្រចាំឆ្នាំ បូកបន្ថែមមួយថ្ងៃ រៀងរាល់បីឆ្នាំម្តង • បរិបទការងារប្រជុំដោយបុគ្គលិកមកពី ២២ សញ្ជាតិផេ្សងគ្នា • ឱកាសសម្រាប់ការរីកចម្រើន និងវឌ្ឍនភាពការងារ
Main responsibilities:  បើកបរម៉ូតូកង់បីទៅកាន់កន្លែងបំពេញការងារក្នុងក្រុងភ្នំពេញ  ប្រមូលនិងយកសំណាកក្នុងរាជធានីភ្នំពេញ  មានតួនាទីថែទាំម៉ូតូកង់បីនិងត្រួតនិនិត្យប្រពន្ធ័មេកានិច  ត្រូវប្រាកដថាម៉ូតូកង់បី ត្រូវបានសម្អាតស្អាតគ្រប់ពេលវេលា ទាំងផ្នែកខាងក្រៅនិងខាងក្នុង  ត្រូវធ្វើការត្រួតពិនិត្យដំណើរការរបសម៉ូតូកង់បីរាល់ពេលមុនធ្វើដំណើរ  កត់ត្រាគ្រប់ការធ្វើដំណើររបស់យានជំនិះនូវ ចំងាយចរ ការប្រើប្រាស់ប្រេងឥន្ធនះ និងថែរក្សាសៀវភៅកំណត់ត្រាអោយបានត្រឹមត្រូវ  ត្រូវធ្វើការរាយការណ៍ជូនទៅប្រធានក្រុមរាល់ពេលមានបញ្ហា ឬការខូចខាតលើម៉ូតូកង់បី  ត្រូវរៀបចំ និងត្រៀមខ្លួនឲ្យបានរួចរាល់ក្នុងការចុះបេសកកម្មក្នុងក្រុងភ្នំពេញ  តម្រូវអោយបញ្ជូន វិក្ក័យបត្រ សំបុត្រ រឺ ឯកសារផ្សេងៗ តាមតំរូវការ  អាចធ្វើការក្នុងថ្ងៃបុណ្យឈប់សម្រាកសាធារណះ និងចុងសប្ដាហ៍  បំពេញការងារផ្សេងៗទៀតដែលចាត់ចែងដោយប្រធានផ្នែក
Candidate Profile:  មានសមត្ថភាពខ្ពស់ក្នុងការបើកបរម៉ូតូកង់បី  ត្រូវមានប័ណ្ណបើកបរ ដែលមានសុពលភាព ប្រភេទក១  មានបទពិសោធន៍ផ្នែកបើកបរយ៉ាងតិច 1ឆ្នាំ  ត្រូវយល់ដឹងយ៉ាងច្បាស់ពីគ្រប់ប្រភេទផ្លូវនៅក្នុងទីក្រុងភ្នំពេញ  ត្រូវមានចំណេះដឹងល្អផ្នែកច្បាប់ចរាចរណ៍ផ្លូវគោក  មានជំនាញក្នុងការរៀបចំ និងគ្រប់គ្រងពេលវេលាបានល្អ  ជាអ្នកដែលមានទំនួលខុសត្រូវលើការងារ និងគោរពពេលវេលា  មានកាយសម្បទារឹងមាំ និងមានសមត្ថភាពលើកទម្ងន់បានរហូត ៥០គីឡូក្រាម  មានភាពឧស្សាហ៍ព្យាយាម អត់ធ្មត់ ចិត្តល្អ ម៉ឺងម៉ាត់ និង ប្រកបដោយវិជ្ជាជីវៈល្អ និងជាអ្នកកីឡា  មានភាពស្មោះត្រង់ និង សុច្ចរិត  អាចធ្វើការងារជាក្រុមបានល្អ  មានការជំរុញនិងការអភិវឌ្ឍន៏ខ្លួនឯង  មិនត្រូវសេពគ្រឿងស្រវឹង រឺសារជាតិញៀន  មានសញ្ជាតិខ្មែរ
លក្ខខ័ណ្ឌសម្រាប់ការដាក់ពាក្យស្នើរសុំត្រូវមានលិខិតអមជាមួយនឹងការបញ្ជាក់ពីប្រាក់ខែដែលរំពឹងទុក និងច្បាប់ថតចម្លងសញ្ញាប័ត្រ(ប្រសិនបើមាន) លិខិតបញ្ជាក់ការងារ ប្រវត្តិរូបសង្ខេបជាមួយរូបថតថ្មី អត្តសញ្ញាណប័ណ្ណថតចម្លង (ឯកសារបញ្ជាក់ច្បាប់ដើម ទាំងអស់) សូមបញ្ជូនទៅផ្នែកធនធានមនុស្សនៃវិទ្យាស្ថានប៉ាស្ទ័រកម្ពុជា តាមរយៈអាស័យដ្ឋាន ៖ អគារលេខ៥ មហាវិថីព្រះមុនីវង្ស សង្កាត់ស្រះចក ខ័ណ្ឌដូនពេញ រាជធានីភ្នំពេញ ឬ តាមរយៈអ៊ីម៉ែល៖ rec********@pasteur-kh.orgClick To Sent Email ឬ ទំនាក់ទំនងទូរស័ព្ទ៖ ០៩២ ៧៧៧ ៦៦៥ ។

ព័ត៌មានទំនាក់ទំនង: សូមកុំភ្លេចនិយាយថាអ្នកបានឃើញការផ្សព្វផ្សាយនេះនៅលើ ខ្មែរ២៤។

092777xxx ចុចដើម្បីតេ