ផ្នែក ជាងទឹក-ភ្លើង (០២ នាក់)

អំពីក្រុមហ៊ុន៖ ក្រុមហ៊ុនទន្សាយជាក្រុមហ៊ុនសម្អាតដែលមានបេសកកម្មធ្វើឲ្យប្រទេសកម្ពុជាក្លាយទៅជាប្រទេសដែលស្អាត និងមានអនាម័យជាងគេលើពិភពលោក។​ ក្រុមហ៊ុនទន្សាយមានថ្នាក់ដឹកនាំប្រកបទៅដោយគុណតម្លៃខ្ពស់ មានឧត្តមគតិ តាមរយៈការជំរុញលើកទឹកចិត្ត​ឲ្យបុគ្គលិកបន្តអភិវឌ្ឍន៍ខ្លួនឯង។ ចូលរួមជាមួយក្រុមហ៊ុនទន្សាយ ដើម្បីទទួលបានបទពិសោធន៍ ជំនាញ និងសមត្ថភាព ព្រមទាំងធ្វើអោយជីវិតរបស់ អ្នកប្រសើរឡើង។
អំពីតួនាទីការងារ ៖ ក្រុមហ៊ុនទន្សាយយើងខ្ញុំត្រូវការជ្រើសរើសជាងបច្ចេកទេសជំនាញដែលមានសមត្ថភាពអាចបំពេញការងារជាមួយ ក្រុមប្រតិបត្តិការសម្អាតយើង ។ ក្រុមហ៊ុនកំពុងស្វែងរកបេក្ខជនដែលមានសមត្ថភាព ដើម្បីចូលរួមជាមួយយើង។ តួនាទីការងាររួម មានការសម្អាតកន្លែងផ្សេងៗ មុនពេលអ្នកសម្អាតចាប់ផ្តើមសម្អាត ថែទាំ និងជួសជុល ព្រមទាំងធានាថាឧបករណ៍ សម្អាតទាំងអស់ ដំណើរការល្អ។ បេក្ខជនត្រូវតែមានសមត្ថភាព មានភាពស្វាហាប់ និងមានឆន្ទៈក្នុងការដោះស្រាយបញ្ហានៅចំពោះមុខ។
ជាងបច្ចេកទេសត្រូវទទួលបន្ទុកផ្នែក៖ -ការថែទាំ និងជួសជុល៖ ថែទាំសម្ភារៈ និងឧបករណ៍សម្អាតជាប្រចាំដើម្បីឲ្យឧបករណ៍ទាំងនោះដំណើរការជាប្រក្រតី -ការដោះស្រាយបញ្ហា៖ វិភាគ វិនិច្ឆ័យ និងជួសជុលបញ្ហាបច្ចេកទេសឲ្យមានប្រសិទ្ធភាព -ជំនួយផ្នែកបច្ចេកទេស៖ ជួយយកអាសារក្រុមដទៃទៀតផ្នែកបច្ចេកទេសក្នុងករណីចាំបាច់ណាមួយ -ធ្វើកំណត់ហេតុជាប្រចាំ៖ កត់ត្រាឲ្យបានត្រឹមត្រូវនូវការងារដែលបានធ្វើរួច របាយការណ៍ជួសជុល និងធ្វើបញ្ជីសារពើភ័ណ្ឌ អំពីសម្ភារៈប្រើប្រាស់ -ត្រូវប្រាកដថាការងារទាំងអស់អនុលោមតាមស្តង់ដារសុវត្ថិភាព និងគុណភាព ក៏ដូចជាបទប្បញ្ញត្តិពាក់ព័ន្ធផ្សេងៗ -ការប្រាស្រ័យទាក់ទងគ្នា៖ ត្រូវសហការជាមួយអ្នកបច្ចេកទេស និងសមាជិកផ្សេងទៀត ក្នុងការដោះស្រាយបញ្ហាប្រឈមផ្សេងៗ។
លក្ខខណ្ឋនៃការងារ៖ -តម្រូវឲ្យមានសញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ។ សញ្ញាបត្រទាក់ទិនទៅនឹងការបណ្តុះបណ្តាលបច្ចេកទេស ឬវិជ្ជាជីវៈផ្សេងៗ (ឧ. ប្រព័ន្ធអគ្គិសនី និងទឹក មេកានិក អេឡិចត្រូនិក។ល។) ត្រូវបានលើកទឹកចិត្ត។ -ត្រូវមានវិញ្ញាបនបត្របញ្ជាក់ពីសហគ្រាស ឬស្ថាប័នពាក់ព័ន្ធ។ -បទពិសោធន៍៖ ធ្លាប់ជាអ្នកបច្ចេកទេស ឬមានតួនាទីស្រដៀង។ -ជំនាញបច្ចេកទេស៖ ត្រូវតែចេះច្បាស់លើជំនាញមេកានិច និងបច្ចេកទេសគ្រឿងម៉ាស៉ីន ហើយមានសមត្ថភាពក្នុងការអានពាក្យបច្ចេកទេស គ្រោងការណ៍ និងផ្ទាំងរូបភាពសំណង់ផ្សេងៗ។ -សមត្ថភាពក្នុងការដោះស្រាយបញ្ហា៖ចេះវិភាគ ថ្លឹងថ្លែង និងដោះស្រាយបញ្ហឲ្យរហ័ស និងមានប្រសិទ្ធភាព។ -មានភាពម៉ដ្ឋចត់ និងល្អិតល្អន់៖ មានភាពម៉ដ្ឋចត់ទៅលើការងារ ដើម្បីធានាបាននូវទំនុកចិត្តក្នុងកិច្ចការងារទាំងឡាយ។ -ជំនាញទំនាក់ទំនង៖ មានទំនាក់ទំនងល្អទាំងពាក្យសំដី និងសារលិខិតផ្សេងៗក្នុងការប្រាស្រ័យទាក់ទងជាមួយ ក្រុមការងារ មានកម្លាំងខ្លាំងក្លា និងមាំមួនក្នុងការលើកដាក់សម្ភារៈធ្ងន់ៗមួយចំនួនតាមតម្រូវការការងារ។
លក្ខណៈសម្បត្តិរបស់បុគ្គលិក៖ -មានការគិតគូរខ្ពស់ និងអាចសម្របខ្លួនបាន -ការដឹងគុណ៖ ប្រតិបត្តិការដោយភាពបន្ទាបខ្លួន និងការគោរពដឹងគុណចំពោះភាគីពាក់ព័ន្ធទាំងអស់។ -សុចរិតភាព៖ ធ្វើរឿងត្រឹមត្រូវជានិច្ច ទាំងក្រមសីលធម៌ និងការទទួលខុសត្រូវ។ -កៃហ្សិន (Kaizen) បន្តការរៀនសូត្រ៖ ចេះខិតខំរៀនសូត្រទទួលយកចំណេះដឹងថ្មីៗបន្ថែម និងចេះបត់បែនតាមកាលៈទេសៈ -សុចរិតទៀងត្រង់៖ មានភាពស្មោះត្រង់ និងមានក្រមសីលធម៌ល្អ មានយុទ្ធសាស្រ្តត្រៀមខ្លួនទុកជាមុន៖ ដោះស្រាយរាល់បញ្ហាប្រឈមដោយមានការរៀបចំផែនការ និងការត្រៀមខ្លួនយ៉ាងល្អិតល្អន់។ អត្ថប្រយោជន៍ ប្រាក់បៀវត្សរ៍ និងប្រាក់លើកទឹកចិត្ត៖ ប្រាក់បៀវត្សរ៍ប្រចាំខែ៖ $xxx-$xxx/ខែ អាស្រ័យលើបទពិសោធន៍ការងារ ប្រាក់លើកទឹកចិត្ត៖ អាស្រ័យលើការខិតខំប្រឹងប្រែងរបស់បុគ្គល ពង្រឹងសមត្ថភាពការងារ៖ ទទួលបានឱកាសបណ្តុះបណ្តាល ការណែនាំ និងការដុះខាត់ភាពជាអ្នកដឹកនាំ។ បរិយាកាសការងារល្អ៖ មានវប្បធម៌ល្អ មានការសហការ និងផ្តល់តម្លៃឲ្យគ្នាទៅវិញទៅមក។ ហេតុអ្វីអ្នកត្រូវចូលរួមជាមួយក្រុមហ៊ុនទន្សាយ?
ក្រុមហ៊ុនន្សាយជឿជាក់លើការកសាងវប្បធម៌មួយដែលលើកកម្ពស់ការរីកចម្រើន ភាពច្នៃប្រឌិត និងបរិយាបន្ន។ អ្នកនឹងមានឱកាសដើម្បីចូលរួមចំណែកយ៉ាងសំខាន់ក្នុងការរីកចម្រើន និងជោគជ័យរបស់ក្រុមហ៊ុន។
ការដាក់ពាក្យ៖
សូមផ្ញើប្រវត្តិរូបសង្ខេប (CV) ដោយភ្ជាប់ជាមួយលិខិតអមប្រវត្តិរូប(Cover Letter) និងលេខទូរស័ព្ទទៅកាន់៖ អ៊ីម៉ែល៖[hr.******@gmail.comClick To Sent Email] តេឡេក្រាម087558xxxClick To Call ឬ Link: https://forms.gle/R9tTbXXJAyoLYvLc9 ឬ Website: https://tunsaicleaning.com/careers។ ពួកយើងកំពុងរងចាំវត្តមានរបស់អ្នក។

ព័ត៌មានទំនាក់ទំនង: សូមកុំភ្លេចនិយាយថាអ្នកបានឃើញការផ្សព្វផ្សាយនេះនៅលើ ខ្មែរ២៤។

087558xxx ចុចដើម្បីតេ